تبلیغات
گیلان جان - کفش و دمپایی... از شهرام دفاعی
تاریخ : جمعه 26 دی 1393 | 08:22 ق.ظ | نویسنده : مرتضی
ﻭﺍﭘﺮﺳﻪ ﮐﻔﺶ ﺍﯾﺮﻭﺯ ﺩﻣﭙﺎﯾﯽ ﺣﺎﻟَﺎ
ﺑﻮﮔﻔﺘﻪ: ﻋﻢ ﭘﺴﺮ ﺑﯿﮕﯿﺮ ﻣﯽ ﺑﺎﻟَﺎ
ﺑﮕﺮﺩﯾﻢ ﮐﻮﭼﺎﻧﺎ ﯾﺎﺩﻩ ﻗﺪﯾﻤﺎﻥ
ﺍﯾﯽ ﺗﻮﮐﻪ ﭘﺎ ﺑﯿﺸﯿﻢ ﺑَﺰﯾﻦ ﺧﯿﺎﺑﺎﻥ
ﺑﯿﺎ ﮐﯽ ﺷﺎﻧﺲ ﺗﯽ ﺍﻣﺮﺍ ﺳﺎﺯﻩ ﺳﺎﺯﻩ
ﺗﯽ ﮔﺎﺯﻩ ﺧﺎﻟﻪ ﯾﻢ ﻫﻤﺶ ﮐﯽ ﻭﺍﺯﻩ؟ !!
ﺗﺎﻧﯽ ﺩﻩ ﺭﺍﺷﺌﻮﻧَﺎ ﯾﺎﺩ ﺑﯿﮕﯿﺮﯼ
ﺍﯾﺬﻩ ﺗﯽ ﻏﺒﻐﺒﻪ ﻣﺌﻦ، ﺑﺎﺩ ﺑﯿﮕﯿﺮﯼ
ﻫﻤﻪ ﮐﻔﺸﻪ ﻣﺮﺍ ﺁﺳﺎﻥ ﺩﻭﺍﺭﯾﺪ
ﭘﯿﺎﺩﻩ ﺭﺍﺑﯿﺸﯿﺪ ﻭ ﯾﺎ ﺳﻮﺍﺭﯾﺪ
ﻣﯽ ﺍﻣﺮﺍ ﭘﺎﺑﭙﺎ ﺑﻮﺳﺘﻦ ﺗﯽ ﺑﺨﺘﻪ
ﺩﺍﻧﯽ ﮐﯽ؛ ﺭﺍﺷﺌﻮﻥ ﺗﯽ ﺍﻣﺮﺍ ﺳﺨﺘﻪ !
ﺗﯽ ﺟَﻪ ﻣﻬﻤﺎﻧﯽ ﺷﺌﻮﻧﻢ، ﺧﻨﺪﻩ ﺩﺍﺭﻩ
ﺟﻮﺭﺍﺑﻪ ﺭِﻡ، ﺗﯽ ﺟَﻪ؛ ﻭَﻻّﯾﯽ ﻋﺎﺭﻩ
ﺭﯾﻔﻘﻪ ﻣﻮﺳﺘﺮﺍﯾﯽ ﺗﺎ ﻫﻤﯿﺸﻪ
ﺗﯿﺠَﻪ ﺳﻮﺳﮑﺎ ﺯﻧﯿﺪ ﮐﻮﺷﯿﺪﯼ؛ ﺍﯾﺸﻪ
ﺳﺮ ﻭ ﮐﻮﻥ ﺑﺎﺯ ﻭ ﺍﺑﭻ ﻭ ﺑﯽ ﺣﯿﺎﯾﯽ
ﻗﯿﺎﻓﻪ ﯾﻢ ﻧﺎﺭﯼ ﻫﺮﮔﺰ ﺧﻮﺩﺍﯾﯽ !!
ﺑﯿﺪﻩ ﺍﯾﯽ ﭘﺎ ﻧﯿﻬﯿﺪﯼ ﺍﻭﯾﺘﺎ ﭘﺎ ﺭﻭ؟
ﺩﯾﻬﯿﺪﯼ ﮐﺲ ﮐﺴﺎ ﻣﯽ ﺍﻣﺮﺍ ﺳﻮﺳﻮ !
ﺩﻭﺗﺎ ﻟﻨﮕﻪ ﺟﻮﺩﺍ ﻭ ﺩﯾﻞ ﺍﯾﺠﺎﯾﯿﻢ
ﺗﻮﻣﺎﻣﻪ ﺭﻭﺯﺍ ﺑﺎ ﻫﻢ ﭘﺎ ﺑﻪ ﭘﺎﯾﯿﻢ
ﺍﯾﺘﺎﯾﯽ ﻫﯿﭻ ﻧﺎﺭﻩ ﻣﻌﻨﺎ ﺍﻣﯽ ﮐﺎﺭ
ﻫﻤﯿﺸﮏ ﺁﺷﺘﯽ ﺍﯾﻢ؛ ﻫﺮﮔﺰ ﻧﯿﺒﯿﻢ ﻗﺎﺭ
ﮐﻤﺮﻗﯿﺸﻪ ﻣﺮﺍ، ﺧﻮﯾﺸﻢ ﻭﻟﯽ ﺩﻭﺭ
ﺍﻭﻧﯽ ﺍﻣﺮﺍ ﻣﯽ ﺭﻧﮓ ﻭ ﺳﻮ ﺍﯾﻪ ﺟﻮﺭ
ﺩﻭﺗﺎ ﭘﺎﯼ ﻭ ﺍﯾﺘﺎ ﮐﻔﺸﻪ ﻧﯿﺸﺎﻧﯽ
ﯾَﻨﯽ ﮐﯽ؛ ﻟﺞ ﺑﺎﻭﺭﺩﻩ ﭘﺲ ﻓﻼﻧﯽ !
ﺟﻮﺍﺑﻪ ﺣﺮﻓﻪ ﻣﻮﻓﺘﻪ ﺁﺩﻣﯿﺰﺍﺩ
ﺩﯾﻬﻪ ﻣﯽ ﻟﻨﮕﻪ ﺍﻣﺮﺍ ﺧﺎﻧﻪ ﺁﺑﺎﺩ
ﺩﯾﻨﯽ ﻣﯽ ﺭﻭﺯﮔﺎﺭﺍ؟ ﺑﯿﺸﺘﺎﻭﺳﺘﯽ؟
ﺗﺮﻩ ﺣﺴﺮﺕ ﻣﺎﻧﻪ ﻣﯽ ﺣﺎﻟﻪ ﻭﺍﺳﺘﯽ
ﺑﻮﮔﻔﺘﻪ ﺩﻣﭙﺎﯾﯽ؛ ﮐﻔﺸﺎ: ﯾﻮﺍﺷﺘﺮ
ﺑﺰﺋﯽ ﺗﯽ ﮔﭙﺎ، ﺑﯿﻨﯿﺶ ﺗﯽ ﺟﺎﺳﺮ
ﺗﯽ ﺩﻭﻧﯿﺎﯾﻢ ﺍﻻﻥ ﺩﻩ ﭼﻨﺪﺗﺎ ﻣﺎﯾﻪ
ﻣﻨﻢ ﻣﻨﻢ ﻧﻮﮐﻮﻥ؛ ﮐﯽ ﺗﯽ ﺻﻼﯾﻪ
ﺟﻪ ﺑﺲ ﺗﯽ ﺟﻨﺲ ﺧﺮﺍﺑﻪ، ﺻﺎﻓﻪ ﺭﺍﯾَﺎ
ﮐﺘﺎﻧﯽ ﻋﻢ ﭘﺴﺮ؛ ﮔﯿﺮﻩ ﺗﯽ ﺟﺎﯾَﺎ !!.....
ﺗﺮﺍ ﯾﺎﺩﻩ ﮐﯽ ﺳﻨﮕﻪ ﺭﯾﺰﻩ ﻣﻠﻌﻮﻥ
ﺩﮐﻔﺘﻪ ﺗﯽ ﻣﯿﺎﻥ ﻧﺎﻣﻮﯾﯽ ﺑﯿﺮﻭﻥ؟ !!
ﺑﺒﻮﺳﺘﻪ ﺗﯽ ﻟﺐ ﻭ ﻟﻮﭼﻪ ﺍَﻭﯾﺰﺍﻥ
ﻧﺎﻣﻮﯾﯽ ﺧﺐ ﺗﯽ ﮐﺎﺭﺍﻥ ﺟﻮﺭ ﻭ ﻣﯿﺰﺍﻥ؟
ﻧﻮﺑﻮﺳﺘﻪ ﺳﻨﮓ ﺭﯾﺰﻩ ﺗﺎ ﺑﻪ ﺍﯾﻤﺮﻭﺯ؛
ﻣﻦ ﻭ ﻣﯽ ﺻﺎﺣﺎﺑﻪ ﭘﺎﺭﻩ؛ ﺑﺒﻪ ﻏﻮﺯ !
ﻧﻮﺑﻮ ﮐﯽ ﻫﯿﭻ ﺯﻣﺎﺗﯽ ﺭﺍﺳﺘﻪ ﺭﺍﯾَﺎ
ﺑﺎﯾﻢ ﺯﺧﻤﺎ ﮐﻮﻧﻢ ﺻﺎﺣﺎﺑﻪ ﭘﺎﯾَﺎ
ﺗﯽ ﺍﻣﺮﺍ ﺯﻧﺪﮔﯽ ﺩﺭﻩ ﺟﻮﺭﺍﺏ ﺑﻮ
ﺗﯽ ﺣﻘﻪ ﮐﯽ ﺗﺮﺍ ﺑﯿﮕﯿﺪﯼ ﺭﺍﺳﻮ
ﻧﺎﺭﻩ ﺗﯽ ﺣﻮﺻﻠَﺎ ﺑﻌﻀﯽ ﺯﻣﺎﺕ ﭘﺎ
ﺑﺨﻮﺍﺏ ﻭﺍﺳﺘﯽ ﺑﯿﺸﯽ ﺗﺎ ﺁﺧﺮ ﺭﺍ
ﺗﯽ ﺳﺮ ﺗﺎ ﺯﻭﺭ ﻧﻤﺎﻧﻪ، ﺳﺨﺘﺎ ﺑﻪ ﮐﺎﺭ
ﮔﯿﺮﻩ ﭘﺎﺷِﻨِﻪ ﮐﻔﺶ، ﺗﯽ ﺣﺎﻟَﺎ ﻫَﺮﺑﺎﺭ
ﺗﺮﺍ ﺑﺎ ﺍﻥ ﻫﻤﻪ ﺭﻧﮓ ﻭ ﺟﻮﺍﻧﯽ
ﺧﻮ ﺍﻣﺮﺍ ﺭﺍ ﻧﯿﺪﯾﺪ ﺧﺎﻧﻪ ﻣﯿﺎﻧﯽ
ﻫﯿﺰﺍﺭﺗﺎ ﺟﺎﻧﮑﻨﺶ ﺭﻭﺯﺍ؛ ﺳﺮﺁﺧﺮ
ﺗﯽ ﺟﺎ ﻫﻨﺪﻩ ﺍﯾﺴﻪ ﺧﺎﻧﻪ ﺩﺭﻩ ﺳﺮ
ﺑﻪ ﺗﺨﺘﻪ ﺳﺮ ﺑﻨﻢ ﺗﯽ ﺍﻭ ﻓﮏ ﻭ ﻓﯿﺞ
ﺗﺮﺍ ﺑﺎﺯﯼ ﻧﯿﺪﯾﺪﯼ ﺁﺩﻣﺎﻥ ﻫﯿﭻ
ﺧﺎﻻﭘﺴﺮ ﺗﯽ ﺷﯿﻦ ﺑﯿﮕﺎﻧﻪ ﮐﻮﮔﺎ
ﺍﻻﻥ ﭼﻦ ﺳﺎﻟﯿﻪ ﺑﻮﺑﻮﺳﺘﻪ ﺁﻗﺎ !
ﺗِﺮِﻡ ﻣﺜﻞ ﺍﻣﯽ ﺑﺎﺯﺍﺭﻩ ﻣﺴﮕﺮ
ﺑﻤﺎﻧﺴﺘﻪ ﻫﻪ ﮐﻮﻥ ﺟﻮﻧﺒﺎﻧﯽ ﺁﺧﺮ !
ﮔﺎﻟﻮﺵ ﺧﺎﻧﺎ ﺧﻮﺩﺍ ﺭﺣﻤﺖ ﺑﻮﮐﻮﻧﻪ
ﺍﻭﻧﯽ ﺭﺍﯾﺎ ﺗﺮﻩ ﻗﺴﻤﺖ ﺑﻮﮐﻮﻧﻪ
ﻫﻤﯿﺸﮏ ﺧﻮﯾﺸﻪ ﺍﻣﺮﺍ ﺑﯽ ﺭﯾﺎ ﺑﻮ
ﺍﻭﻧﯽ ﺩﯾﻞ ﺧﻮﻥ ﻭ ﺩﯾﻤﻢ ﺭﻭﺳﯿﺎ ﺑﻮ
ﻭﯾﺮﯼ ﺗﯽ ﭘﺎﺷِﻨﺎ ﻓﺎﮐﺶ ﮐﯽ ﺩﺋﺮﻩ
ﻣﯽ ﭼﻮﻡ ﻭ ﮔﻮﺵ، ﺋﻪ ﺣﺮﻓﺎﻧﻪ ﺟﻪ ﺳﺌﺮﻩ
ﺍﻣﯽ ﺭﺍ ﻭﺍﺳﺘﯽ ﺭﺍ ﺑﻮﺳﺘﻦ؛ ﻧﯿﻮﯾﺮﻩ
ﺍﺗﻮ ﻭﻗﺖ ﻫﯿﺸﮑﻪ ﺗﯽ ﻟﺒﻼَ ﻧﯿﮕﯿﺮﻩ
ﻧﻪ ﭼﭗ ﭘﺎﯾﺎ ﺑﻨﻦ ﻧﻪ ﺭﺍﺳﺘﻪ ﺩﯾﻤﻪ
ﺑﺠﺎﻧﻪ ﺗﻮ ﺧﻮﺭﻡ ﺭﺍ ﻣﻮﺳﺘﻘﯿﻤﻪ !
ﻧﻮﺍﺧﻮﺭﺩﻥ ﺑﺮ ﻭ ﺭﻭﯾﻪ ﻓﺮﯾﺒَﻪ
ﻓﺎﮐﺶ ﺑﯽ ﺳﺮﺻﺪﺍ ﺩﻫﺎﻧﻪ ﺯﯾﺒَﻪ
ﺍﯾﺼﺎﻟﺖ ﻭﺍﺳﺘﯽ ﺩﺍﺷﺘﻦ، ﺍﻟﺒﺎﻗﯽ ﻫﯿﭻ
ﻏﺮﻭﺭﺍ ﻭﺍﺳﺘﯽ ﮐﻮﺷﺘﻦ، ﺍﻟﺒﺎﻗﯽ ﻫﯿﭻ
ﺍﻣﯽ ﺗﺎﺭﯾﺨﻪ ﻣﺼﺮﻑ ﮐﯽ ﺑﺎﯾﻪ ﺳﺮ؛
ﻧﻪ ﺗﻮ ﺟﺎﯾﯽ ﺩﺍﺭﯼ؛ ﻧﻪ ﻣﻦ ﺳﺮﺁﺧﺮ
ﻫَﺴَﻪ ﺍﺭﺑﺎﺏ ﭘﺴﺮ؛ ﺗﺮﺍ ﺟﻤﺎ ﮐﻮﻥ
ﺑﯽ ﺯَﺣﻤﺖ، ﺷﺮّﺍ ﺟﻪ ﻣﯽ ﺳﺮ ﮐﻤﺎ ﮐﻮﻥ
ﺗﺮﺍ ﻭﺍﺳﺘﯽ ﺋﻪ ﺣﺮﻓﺎﻥ ﺧُﺐ ﺑﺒﻪ ﯾﺎﺩ
ﻭﯾﺮﯾﺰ ﺍﻭﺷﺘﺮ ﺑﻮﺷﻮ، ﺑﺪﺍ ﺑﺎﯾﻪ ﺑﺎﺩ
ﺳﺮﺍ ﺑﯿﺠﯿﺮ ﺗﺎﻭﺩﺑﻮﺷﻮ ﺗﯽ ﺭﺍﯾَﺎ
ﺑﺪﺍﺭ ﺗﯽ ﺻﺎﺣﺎﺑﻪ ﭘﺎﯾﻪ ﻫﻮﺍﯾَﺎ



طبقه بندی: شعر گیلکی،
برچسب ها: شهرام دفاعی، کفش و دمپایی،

  • راکت
  • گسیختن
  • کارت شارژ همراه اول