تبلیغات
گیلان جان - شعری فوق العاده از شیون فومنی
تاریخ : پنجشنبه 22 اسفند 1392 | 09:38 ب.ظ | نویسنده : مرتضی


ﻋﯿﺪ ﺩﻡ ﺑﻮ ﺧﻮﻧﮑﯽ ﺩﺍﺷﺘﯽ ﻫﻮﺍ
ﺑﻨﺎﺑﻮ ﻏﻮﻧﭽﯽ ﺧﻮ ﺳﺮ ﺳﺮﺧﻪ ﮐﻮﻻ
ﺧﺎﻟﯽ ﻭﺍﺷﺎﻥ ﺑﺰﺑﻮﺩ ﺩﺷﺘﻪ ﺟﻪ ﺳﺮ
ﺣﺞ ﺣﺠﻦ ﺗﺎﺯﻩ ﺑﺎﻣﻮﺑﯿﺪ ﺟﻪ ﺳﻔﺮ
ﮐﺎﺱ ﺍﻗﺎ ﻭﺍﺯﺩﻩ ﺍﺯ ﺩﻫﮑﺪﻩ ﺑﻮ
ﺩﻫﮑﺪﻩ ﭘﺎﮎ ﺩﻩ ﺍﻭﻧﻪ ﺭﻩ ﻏﻤﮑﺪﻩ ﺑﻮ
ﺍﯾﺘﺎ ﺻﺒﺢ ﺑﻮﻗﭽﻪ ﺑﻪ ﺧﻮ ﺗﮏ ﺑﺰﻩ ﭘﺲ
ﭘﺎﭘﺮﻭﺳﻪ ﺑﻪ ﺧﻮ ﻣﻮﺷﺘﻪ ﺑﺰﻩ ﭘﺲ
ﯾﻮﺭﻏﻪ ﺍﺳﺒﻪ ﺧﻮﺷﯿﻨﻪ ﺯﯾﻦ ﺑﻮﮐﻮﺩﻩ
ﺧﻮ ﺩﺳﻨﺠﺎﺭﻩ ﺑﻪ ﺧﻮﺭﺟﯿﻦ ﺩﻭﮐﻮﺩﻩ
ﺗﺎ ﺑﺸﻪ ﺷﻬﺮ ﺩﻟﯽ ﻭﺍ ﺑﻮﮐﻮﻧﻪ
ﮐﺎﺭﻭ ﻭ ﻭﺍﺭﯼ ﺧﻮﺭﻩ ﭘﯿﺪﺍ ﺑﻮﮐﻮﻧﻪ
ﺑﺪﺍ ﺍﻭﻝ ﺧﻮﺭﻩ ﺍﯾﺴﭙﻨﺪﺍﻧﻪ ﺩﻭﺩ
ﺑﻪ ﺍﺻﻄﻼﺡ ﺗﺎ ﮐﻮﺭﻩ ﺑﻪ ﭼﺸﻢ ﺣﺴﻮﺩ
ﭼﻨﺘﺎ ﻣﺎﭼﯽ ﺑﺪﺍ ﻗﻮﺭﺍﻧﻪ ﺑﺰﯾﻦ
ﺭﺍﺩﮐﻔﺘﻪ ﺑﻮﺷﻮ ﺍﺯ ﺧﺎﻧﻪ ﺑﻮﺭﯾﻦ
ﺭﺍﻩ ﻣﯿﺎﻥ ﻭﺍﺯﻭ ﻭﻟﻨﮕﯽ ﺗﺎﻭﺍﺩﺍ
ﺁﺏ ﻣﻦ ﻫﻔﺪﺍﻧﻪ ﺳﻨﮕﯽ ﺗﺎﻭﺍﺩﻫﻪ
ﺗﺎ ﺑﺪﻩ ﺳﯿﺰﺩﻩ ﯼ ﺧﻮ ﺳﺎﻟﻪ ﺑﺪﺭ
ﺩﻭﺭﺳﺘﻪ ﺩ ﻫﻤﻪ ﭘﻮﺭﺩﺍﻧﻪ ﺳﺮ
ﺗﺎﺯﻩ ﺧﻮﺭﺷﯿﺪ ﺟﻪ ﺍﻓﻖ ﺳﺮ ﺑﺰﻩ ﺑﻮ
ﺟﻪ ﺧﻮ ﻻﻧﻪ ﭼﯽ ﭼﯽ ﻧﯽ ﭘﺮ ﺑﺰﻩ ﺑﻮ
ﯾﻮﺭﻏﻪ ﺍﺳﺐ ﺍﺯ ﭘﯿﺶ ﻭ ﺩﻧﺒﺎﻝ ﮐﺎﺱ ﺍﻗﺎ
ﺍﯾﭙﭽﻪ ﻧﯿﺸﺘﯽ ﺧﻮﺭﻩ ﺍﯾﭙﭽﻪ ﺷﻮﯾﯽ ﺭﺍﻩ
ﻫﺘﻮ ﮐﯽ ﺫﻭﻕ ﻣﺮﺍ ﺷﻮﻧﺪﻩ ﺑﻮ ﺭﺍﻩ
ﺟﺎﺩﻩ ﯼ ﺧﺎﮐﯿﻪ ﻧﻢ ﻧﻢ ﺯﯾﯽ ﭘﺎ
ﺑﯿﺪﻩ ﺧﻮ ﺭﻩ ﺳﺮﻩ ﺟﺎ ﺩﺭﻩ ﺗﻨﮓ
ﺍﯾﺪﺍﻧﻪ ﺳﺒﺰ ﮐﻮﻧﻮﺱ ﺩﺍﺭﻩ ﻗﺸﻨﮓ
ﺧﻮ ﻣﺮﺍ ﺑﺴﺎ ﺑﻮﮔﻮﻓﺘﻪ ﮐﺎﺱ ﺍﻗﺎ
ﺟﻪ ﺍ ﺩﺍﺭ ﺷﺎ ﭼﺎﮐﻮﺩﻥ ﺻﺪﺗﺎ ﻋﺼﺎ
ﻣﻨﻮ ﻣﯽ ﺭﻭﺯﯼ ﺭﻩ ﺑﺴﺘﻪ ﺍ ﺩﺭﺧﺖ
ﺁﺁﺥ، ﻋﺼﺎ ﺭﻩ ﺑﭽﮑﺴﺘﻪ ﺍ ﺩﺭﺧﺖ
ﺟﻪ ﺧﻮﺟﺎ ﯾﮑﻮ ﺟﻪ ﺷﺎﺩﯼ ﺑﭙﺮﺳﺖ
ﺳﺮﺥ ﺗﯿﮑﻪ ﻣﺮﻩ ﺍﻭ ﺩﺍﺭﻩ ﺩﻭﺳﺖ
ﺗﺎ ﻭﺍﮔﺮﺩﻩ ﺍﻭﻧﻪ ﺍﺯ ﯾﺎﺩﻩ ﻧﺸﻪ
ﮐﺎﺱ ﺍﻗﺎ ﺁﺭﺯﻭ ﺑﺮ ﺑﺎﺩ ﻧﺸﻪ
ﺑﺎﺯ ﺧﻮﺭﺍﯼ ﺳﻔﺮﻩ ﺍﺯ ﺳﺮﻩ ﮔﯿﻔﺖ
ﻫﯽ ﺑﻮﮐﻮﺩ ﺍﺳﺒﻪ ﺟﻪ ﺷﺎﺩﯼ ﭘﺮﻩ ﮔﯿﻐﺖ
ﺩﻭ ﺳﻪ ﺭﻭﺯﯼ ﺟﻪ ﺍ ﺟﺮﯾﺎﻥ ﺑﻮﮔﻮﺫﺷﺖ
ﺍﺑﺮ ﻭﺍﺭﺵ ﺑﺰﻩ، ﺳﺮﺳﺒﺰﺑﻮ ﺩﺷﺖ
ﺗﺎ ﺍﯾﺘﺎ ﻣﻮﻟﻼ ﺟﻪ ﺍﻭ ﺭﺍﻩ ﺩﻭﺭﺳﺖ
ﺳﺮﺥ ﺗﯿﮑﻪ ﺑﯿﺪﻩ ﺍﺯ ﺟﺎ ﺑﭙﺮﺳﺖ
ﺧﻮ ﺩﯾﻠﻪ ﺍﻣﺮﺍ ﺑﻮﮔﻮﻓﺘﻪ ﮐﯽ ﺍ ﺩﺍﺭ
ﺍﯾﺴﻪ ﺣﺘﻤﺎ ﺍﯾﺘﺎ ﻧﻀﺮﯼ ﺁﻗﺎﺩﺍﺭ
ﺑﻮﺷﻮ ﺁﺑﺎﺩﯼ ﻣﯿﺎﻥ ﺟﺎﺭ ﺑﺰﻩ
ﮔﺐ ﺟﯽ ﺍﻭ ﻧﻀﺮﯼ ﮐﻮﻧﻮﺱ ﺩﺍﺭ ﺑﺰﻩ
ﻫﺮ ﮐﯽ ﺭﻭ ﮐﯽ ﺑﯿﻨﯿﺸﺘﻪ ﺑﺰﻩ ﮔﺐ
ﻫﺮﺗﺎ ﻣﯿﻨﺒﺮ ﮐﯽ ﺑﯿﻨﯿﺸﺘﻪ ﺑﺰﻩ ﮔﺐ
ﻣﺮﺩﻣﻪ ﺻﺎﻑ ﺻﺎﺩﻗﻪ ﺧﺎﻣﻪ ﮐﻮﺩﻩ
ﮔﺐ ﺍﻣﺮﺍ ﺍﻭﺷﺎﻧﻪ ﺍﺭﻣﻪ ﮐﻮﺩﻩ
ﮐﺎﺭ ﺑﻪ ﺟﺎﯾﯽ ﻓﺎﺭﺳﻪ ﺁﺧﺮﻩ ﺳﺮ
ﻫﻤﻪ ﮐﺲ ﻧﻀﺮﯼ ﺑﻮﺑﻮﺭﺩﯾﺪ ﺍﻭﻧﻪ ﻭﺭ
ﻫﺮﮐﯽ ﭼﻮﻡ ﮐﻮﺭ ﺑﻮ ﺍﻭﻧﻪ ﻭﻟﮕﻪ ﭼﻪ ﺍﯼ
ﻋﯿﻨﻪ ﺳﻮﺭﻣﻪ ﺧﻮ ﺩﻭﺗﺎ ﭼﻮﻣﻪ ﺯﯾﯿﻪ
ﻫﻪ ﻣﯿﺎﻧﻪ ﺑﺰﻩ ﺍﺯ ﺭﺍﻩ ﮐﺎﺱ ﺍﻗﺎ
ﺑﺎﻣﻮ ﺑﺎ ﺩﺑﺪﺑﻪ ﻭ ﺗﺎﺯﻩ ﻗﺒﺎ
ﻋﯿﻨﻪ ﺁﻫﻮﯼ ﺟﺪﺍ ﺑﻮﺳﺘﻪ ﺩﺭ ﺑﻪ ﺩﺭ ﺳﺒﺰ ﮐﻮﻧﻮﺱ ﺩﺍﺭﻩ
ﺑﮕﺸﺖ
ﺗﺎ ﺑﺎﻭﺭﺩﻩ ﺧﻮ ﮐﻮﻧﻮﺱ ﺩﺍﺭﻩ ﺑﯿﺠﯿﺮ
ﮐﺮ ﺭﻭﻑ ﺧﻮﻣﻪ ﺑﻨﺎﺑﻮ ﺍﻭﻧﻪ ﺟﯿﺮ
ﺧﻠﻮﺗﯽ ﻣﺮﺩﻣﻪ ﺩﻩ ﺗﺎ ﻧﯿﺪﯾﻨﻪ
ﺩﺍﺱ ﺍﻭﺳﺎﺩ ﺗﺎ ﻭﻧﻪ ﺧﺎﻟﻪ ﻭﻭﯾﻨﻪ
ﺍﺯ ﻗﻀﺎ ﻣﻮﻟﻼ ﺟﯽ ﺍﻭﺭﺍ ﺩﻭﺭﺳﺖ
ﮐﺎﺱ ﺍﻗﺎﯾﻪ ﺑﯿﺪﻩ ﺍﺯ ﺟﺎ ﺑﭙﺮﺳﺖ
ﺩﺍﺩ ﺑﺰﻩ ﻫﺎﺍﺍﺍﺍﺍﺍﺍﺍﯼ، ﻣﮕﻪ ﺩﯾﻮﺍﻧﻪ ﺍﯼ ﺗﻮ
ﺍﺯ ﺧﻮﺩﺍ ﻏﺎﻓﻞ ﻭ ﺑﯿﮕﺎﻧﻪ ﺍﯼ ﺗﻮ
ﺗﺎ ﻫﺴﺎ ﻧﻀﺮﯼ ﺩﺭﺧﺘﺎ ﮐﯽ ﻭﻭﻩ؟
ﻧﯿﺪﯾﻨﯽ ﺧﻮﻥ ﺟﯽ ﺍﻭﻧﻪ ﺷﺎﺧﻪ ﻓﯽ ﻭﻩ
ﮐﺎﺱ ﺍﻗﺎ ﺧﺎﻟﻪ ﻓﻮﮐﻮﺩ ﻫﯿﭽﯽ ﻧﻮﮔﻔﺖ
ﺧﻮﺭﻩ ﺑﯿﺸﺘﺮ ﻟﻮﺳﻪ ﮐﻮﺩ، ﻫﯿﭽﯽ ﻧﻮﮔﻔﺖ
ﺟﺎﻥ ﻣﻮﻟﻼ ﮐﯽ ﻫﻮﺍﯼ ﺩﯾﻨﻪ ﭘﺲ
ﺩﻭﺏ ﺯﻧﻪ ﺷﻪ ﺟﻪ ﺍﻭﯾﻪ ﺑﯽ ﺩﻡ ﻭ ﺳﺲ
ﺷﻪ ﺧﻮ ﺍﺑﺎﺩﯼ ﻣﯿﺎﻥ ﻫﯽ ﺯﻧﻪ ﺟﺎﺭ
ﺩﻭﺧﺎﻧﻪ ﻣﺮﺩﻡ ﺧﺎﻣﻪ ﺧﻮ ﮐﻨﺎﺭ
ﮐﯽ ﺑﺎﯾﯿﺪ ﺧﻮﺩ ﺳﺮﺍ ﺑﻮﺳﺪﻩ ﮐﺎﺱ ﺍﻗﺎ
ﻓﺎﺭﺳﯿﺪ ﮐﺎﻓﺮﺍ ﺑﻮﺳﺪﻩ ﮐﺎﺱ ﺍﻗﺎ
ﺷﯿﻤﯽ ﺍﯾﻤﺎﻧﻪ ﺳﺮﻩ ﺗﯿﺸﻪ ﺑﺰﻩ
ﺁﻗﺎﺩﺍﺭﻩ ﯾﻬﻮ ﺍﺯ ﺭﯾﺸﻪ ﺑﺰﻩ
ﻣﺮﺩﻣﺎﻥ ﺗﺎ ﺍ ﮔﺒﻪ ﺍﯾﺸﻨﺎﻭﯾﺪﯼ
ﺧﻮﺷﺎﻧﻪ ﻣﻮﻟﻼﯾﻪ ﮔﺮﯾﺎﻥ ﺩﯾﻨﯿﺪﯼ
ﺩﻭﺗﺎ ﺩﺳﺘﯽ ﺑﺰﻩ ﻫﺮﮐﯽ ﺑﻪ ﺧﻮ ﺳﺮ
ﺍﯾﺪﺍﻧﻪ ﺩﺍﺳﻪ ﺍﻭﺳﺎﺩ، ﺍﻭﯾﺘﺎ ﺗﺒﺮ
ﺭﺍﻩ ﺩﮐﻔﺘﯿﺪ ﻫﻤﮕﯽ ﺗﺎ ﺁﻗﺎﺩﺍﺭ
ﮐﺎﺱ ﺍﻗﺎﯾﻪ ﺑﯿﺪﻩ ﺍﯾﺪ ﻣﺸﻐﻮﻝ ﮐﺎﺭ
ﺗﺎ ﺧﻮﺩﺍ ﺧﻮﺍﺳﺘﯽ ﻓﻮﺧﻮﻓﺘﯿﺪ ﺯﻥ ﻭ ﻣﺮﺩ
ﮐﺎﺱ ﺍﻗﺎ ﺟﺎﻧﻪ ﻓﻮﮐﻮﻓﺘﯿﺪ ﺯﻥ ﻭ ﻣﺮﺩ
ﺍﻭﻧﻪ ﻫﺮ ﺫﺭﻩ ﻫﯿﺰﺍﺭ ﺗﯿﮑﻪ ﮐﻮﺩﯾﺪ
ﺧﻮﺷﺎﻧﻪ ﻏﯿﻀﻪ ﺍﻭﻧﻪ ﺳﺮ ﻓﻮﮔﻮﺩﯾﺪ
ﻫﯿﺸﮑﯽ ﺍ ﻧﻘﻠﻪ ﻧﺎﻧﺴﺘﯽ ﺗﺎ ﻫﺴﺎ
ﮐﯽ ﺁﻗﺎﺩﺍﺭﻩ ﺟﯿﺮ ﺩﻓﻨﻪ ﮐﺎﺱ ﺁﻗﺎ
ﮐﺎﺱ ﺍﻗﺎﯾﯽ ﮐﯽ ﺍﯾﺘﺎ ﺳﯿﺰﺩﻩ ﺑﺪﺭ ﻣﺜﻠﻪ ﺳﯿﺰﺩﻩ ﺑﻮﺷﻮ
ﺍﺯ ﺩﻭﻧﯿﺎ ﺑﺪﺭ
ﮐﺎﺱ ﺁﻗﺎﯾﯽ ﮐﯽ ﺍﻭﻧﻪ ﺩﺳﺖ ﺑﻤﺎﻧﺴﺖ
ﺑﯽ ﻋﺼﺎ ﺧﺎﮐﺎﻧﻪ ﺟﯿﺮ ﺗﺎ ﺑﺘﺎﻧﺴﺖ




طبقه بندی: گیلان شناسی، شعر گیلکی،
برچسب ها: شعری فوق العاده از شیون فومنی، شیون،

  • راکت
  • گسیختن
  • کارت شارژ همراه اول